"Yuventus" Pirlonu istefaya göndərdi

"Yuventus" baş məşqçisi Andrea Pirlonu istefaya göndərib.

Bu barədə klubun rəsmi saytı məlumat yayıb. Pirlonun 2022-ci ilin yayına qədər olan sözləşməsinə qarşılıqlı razılıq əsasında xitam verilib.

Qeyd edək ki, 42 yaşlı mütəxəssis 2020-ci ildən "Yuventus"u çalışdırırdı. 2011-ci ildən sonra ilk dəfə çempion titulunu əldən Turin təmsilçisi son mövsüm A seriyasında 4-cü yeri tutub. Bununla belə, Pirlo "Yuventus"u titulsuz tərk etməyib. Onun komandası İtaliya kubokunun son qalibidir.